مصطفى المنصوري
حنا عائلة لاباس علينا من ديما
حنا عائلة لاباس علينا من ديما
* ألووو
— ألو
* ألو سي مصطفى المنصوري كي داير؟
— ألو شكون نتا؟
* معاك حسن المرابط من جريدة الريفي..كي داير السي المنصوري؟
— آه .. أهلا ..آش كاين؟
* لا والو غير شفتك هاد الأيام غابر على الناظور قلت نتفكروك بشي حوار.. راك زعما شخصية كبيرة ماتديرش بحال الاخرين و تنسانا حتى وقت الانتخابات
— ألو
* ألو سي مصطفى المنصوري كي داير؟
— ألو شكون نتا؟
* معاك حسن المرابط من جريدة الريفي..كي داير السي المنصوري؟
— آه .. أهلا ..آش كاين؟
* لا والو غير شفتك هاد الأيام غابر على الناظور قلت نتفكروك بشي حوار.. راك زعما شخصية كبيرة ماتديرش بحال الاخرين و تنسانا حتى وقت الانتخابات
— هههههه ..لا والو غير صحاب لي غادي نرتاح في مجلس النواب من صداع الوزارة و لكن لقيت راسي غارق في الاستقبالات كاع دوك الزوار اللي كيهربوا منهم الوزراء كيصيفطوهم ليا
* فكرتيني .. راه نوضتي عليك الصداع فاش تلاقيتي نائب وزيرة الخارجية ديال إسرائيل.. زعما ماشي حشومة و هم باقين كيقتلو ف خوتنا ف غزة و عاد زايد عارض عليه للمغرب؟
— هاديك سياسة دولة آ وليدي..داك الشي بعيد عليك..
* و لكن العدالة و التنمية ناضو معاك؟
— ينوضو و لا يبركو.. ما فيدهمش ..المعارضة ماشي بحال السلطة.. و لا نفكرك بالاتحاد الاشتراكي…
* أييه.. مالك مع الروافة ديال الحركة .. وا درتيها بيهم في مشاورات تشكيل الحكومة؟
— آش درت؟
* إيوا تفاهمتي معاهم تعاونهم باش تطيحو الاتحاد الاشتراكي صدقتي طيحتيهم هوما و ديتي لهم الوزراء ديالهم؟
— شوف آوليدي.. السياسة ما فيهاش روافة و سواسة… انا كانشوف المصلحة ديالي و ديال الحزب ديالي.. عاود تاني اللي قالها المخزن هي اللي تكون..واش انا نقد على المخزن..
* زعما ماشي بعتي الماتش و جات فالروافة ديالنا و صدقنا بلا وزير ريفي في الحكومة؟
— يا ودي واخا ما كاينش وزراء كاين رئيس مجلس النواب الشخصية النوميرو 3 في المغرب و معانا السي محمد الفضيلي حتى هو شخصية كبيرة و نائب اول ديال رئيس مجلس المستشارين.. حنا ما عجبناكش…
* إيوا سمحلي انتوما ما فيدكومش.. زعما سلطات البرلمان كنعرفوها.. المسرح و خلاص..
— احنا عندنا التأثير على الحكومة عاود حتى انت آش غا يدير لوزير كاع أنا كنت وزير حتى عييت يالاه دبرت ليكم شي بركة ديال المطار و الكلية و عاوننا عباد الله…
* وا مطار درتيه مع راسك.. حدا باب داركم..
و بعتي لينا المطار القديم و دارو لنا فيه الفضيحة..و القضية فيها ناس صحابك تما بحال سلامة و نسيبك؟
— هادوك ناس ديال التجارة و لا حيت صحابي و نسيبي ما يشريوش بحالهم بحال عباد الله
* ههههه…لا.. و لكن ما يشريوش الأرض اللي كانت مخصصة للتجهيزات الأساسية؟
— داك شي خاطيني..انا ما عندي تما لا دار لا دوار
* و علاش تدير الدار نتا البركة فالنسيب؟
— إيه..كا نشم شي ريحة خايبة فالهضرة ديالك.. آ صوب فمك.. آنا مسالم و لكن الضربة ديالي تجمعك بلا ما تعيق بيها
* آواه..أتكايس علي خليك مسالم الله يرحم الوالدين.. مال المدينة الجديدة كان خلاها لي جدي و لا.. حنا غير بقاو فينا 100 ألف واحد اللي غادي يسكنو مدينة ما فيها لا مدرسة لا مسجد لا سبيطار لا جردة…
–حتى انت فين الناس دياولنا ولفو الجردة .. اللي شرا تما ينوض يغوت على حقه مالك انت محامي ديالهم
* و المواطنين شنو زعما يضيعو ؟
— القانون لا يحمي المغفلين
* واخا قول لينا .. شريتي 200 هكتار ف راس الما ؟
–و انت شغلك..
* غير كا نسول يمكن غدا بعد غدا تدير تما شي مشروع سياحي تخدم فيه عباد الله
–.آنا ما كنديرش المشاريع حيت عندي منصب حساس
* شنو زعما كتبيع و تشري فالارض أو صافي.. راه قالو لنا راه العائلة ديالكم عندها الخير و البركة ديال الارض
— و انت شغلك؟
* من أين لك هذا؟
–وا زعامة هادي.. هذا من فضل ربي آسي..حنا عائلة لاباس عليها من ديما…
* إيوا ا سيدي بصحتكم؟
— آه..
* إيوا السي المنصوري إمتى نسمعو على شي مشروع كبير غا تدبر على الناظور فيه؟
–غادي نديرو مدينة كبيرة فالعروي…
* عاود البني..و الأرض.. واش هاد شي ما كان في المشاريع و لا؟
–.الناس عندها لفلوس باغي تشري ما شي مزاليط بحالك.. شوف راه غادي يقطع التليفون راني داخل النفق..
* هههه.. سير آ بصحتـــــــــاك…
———– إنقطع الإتصال ——–
الحوار من محض الخيال…
تأليف حسن المرابط
* فكرتيني .. راه نوضتي عليك الصداع فاش تلاقيتي نائب وزيرة الخارجية ديال إسرائيل.. زعما ماشي حشومة و هم باقين كيقتلو ف خوتنا ف غزة و عاد زايد عارض عليه للمغرب؟
— هاديك سياسة دولة آ وليدي..داك الشي بعيد عليك..
* و لكن العدالة و التنمية ناضو معاك؟
— ينوضو و لا يبركو.. ما فيدهمش ..المعارضة ماشي بحال السلطة.. و لا نفكرك بالاتحاد الاشتراكي…
* أييه.. مالك مع الروافة ديال الحركة .. وا درتيها بيهم في مشاورات تشكيل الحكومة؟
— آش درت؟
* إيوا تفاهمتي معاهم تعاونهم باش تطيحو الاتحاد الاشتراكي صدقتي طيحتيهم هوما و ديتي لهم الوزراء ديالهم؟
— شوف آوليدي.. السياسة ما فيهاش روافة و سواسة… انا كانشوف المصلحة ديالي و ديال الحزب ديالي.. عاود تاني اللي قالها المخزن هي اللي تكون..واش انا نقد على المخزن..
* زعما ماشي بعتي الماتش و جات فالروافة ديالنا و صدقنا بلا وزير ريفي في الحكومة؟
— يا ودي واخا ما كاينش وزراء كاين رئيس مجلس النواب الشخصية النوميرو 3 في المغرب و معانا السي محمد الفضيلي حتى هو شخصية كبيرة و نائب اول ديال رئيس مجلس المستشارين.. حنا ما عجبناكش…
* إيوا سمحلي انتوما ما فيدكومش.. زعما سلطات البرلمان كنعرفوها.. المسرح و خلاص..
— احنا عندنا التأثير على الحكومة عاود حتى انت آش غا يدير لوزير كاع أنا كنت وزير حتى عييت يالاه دبرت ليكم شي بركة ديال المطار و الكلية و عاوننا عباد الله…
* وا مطار درتيه مع راسك.. حدا باب داركم..و بعتي لينا المطار القديم و دارو لنا فيه الفضيحة..و القضية فيها ناس صحابك تما بحال سلامة و نسيبك؟
— هادوك ناس ديال التجارة و لا حيت صحابي و نسيبي ما يشريوش بحالهم بحال عباد الله
* ههههه…لا.. و لكن ما يشريوش الأرض اللي كانت مخصصة للتجهيزات الأساسية؟
— داك شي خاطيني..انا ما عندي تما لا دار لا دوار
* و علاش تدير الدار نتا البركة فالنسيب؟
— إيه..كا نشم شي ريحة خايبة فالهضرة ديالك.. آ صوب فمك.. آنا مسالم و لكن الضربة ديالي تجمعك بلا ما تعيق بيها
* آواه..أتكايس علي خليك مسالم الله يرحم الوالدين.. مال المدينة الجديدة كان خلاها لي جدي و لا.. حنا غير بقاو فينا 100 ألف واحد اللي غادي يسكنو مدينة ما فيها لا مدرسة لا مسجد لا سبيطار لا جردة…
–حتى انت فين الناس دياولنا ولفو الجردة .. اللي شرا تما ينوض يغوت على حقه مالك انت محامي ديالهم
* و المواطنين شنو زعما يضيعو ؟
— القانون لا يحمي المغفلين
* واخا قول لينا .. شريتي 200 هكتار ف راس الما ؟
–و انت شغلك..
* غير كا نسول يمكن غدا بعد غدا تدير تما شي مشروع سياحي تخدم فيه عباد الله
–.آنا ما كنديرش المشاريع حيت عندي منصب حساس
* شنو زعما كتبيع و تشري فالارض أو صافي.. راه قالو لنا راه العائلة ديالكم عندها الخير و البركة ديال الارض
— و انت شغلك؟
* من أين لك هذا؟
–وا زعامة هادي.. هذا من فضل ربي آسي..حنا عائلة لاباس عليها من ديما…
* إيوا ا سيدي بصحتكم؟
— آه..
* إيوا السي المنصوري إمتى نسمعو على شي مشروع كبير غا تدبر على الناظور فيه؟
–غادي نديرو مدينة كبيرة فالعروي…
* عاود البني..و الأرض.. واش هاد شي ما كان في المشاريع و لا؟
–.الناس عندها لفلوس باغي تشري ما شي مزاليط بحالك.. شوف راه غادي يقطع التليفون راني داخل النفق..
* هههه.. سير آ بصحتـــــــــاك…
———– إنقطع الإتصال ——–
الحوار من محض الخيال…
تأليف حسن المرابط
iwa ira ira l3ab ma3a rasak
baraka man lwach
machhal a3talak
alintikhabat hhhhhhhhhhhh
hada 7iwar man al khayal a la7mar
sir t3allem taqra l3arbiya al jahil 3ad aji 3alaq
mossiba 3la al jahl ach dayer f chi nass