اريفينو امين القاديري
الناظور أو الناضور (بالأمازيغية: Ennaḍur ⴻⵏⵏⴰⴹⵓⵔ) مدينة ساحلية مغربية عاصمة إقليم الناظور، الذي يشكل جزء من الجهة الشرقية، تقع على البحر الأبيض المتوسط في شمال البلاد. يبلغ تعداد سكان المدينة 180,000 وتعتبر من بين أهم وأغنى المدن المغربية من حيث حجم الارصدة المالية بالابناك. وتأتي معظم الحركة الاقتصادية بالمدينة من أنشطة التجارة والتحويلات المالية الكبيرة للناظوريين المقيمين بأوروبا (هولندا، بلجيكا، ألمانيا، إسبانيا، فرنسا والمملكة المتحدة).بلا منقولبك عزيزي القارئ، هاد المقدمة غير تعريف للمدينة فالموسوعة الشهيرة ويكيبيديا، ولا علاقة ليها مع الواقع اللي كنعيشوه حنا، السكان المحليون.. لذلك، قررنا ان ننظم مهرجانا ترفيهيا خاص للضحك فالمدينة، باش نروجو سياحيا واقتصاديا كيما قالو فالموسوعة الفوق.علاش هاد المهرجان ؟ نظرا للركود اللي كتعرفو المدينة في شتى المجالات، والحزقة اللي ضاربة جيوب المواطنين، قررنا باش نخرجو هاد المهرجان للوجود، الذي يحمل اسم : مهرجان “طنز عليا للضحك”، في نسخته الأولى طبعا، وتم تنظيم هذا المهرجان باش نعمرو شوية الجيب ونبعدو شوية على الحزقة اللي هدرنا عليها، حينت فالناظور، دير مهرجان.. شطح لقرود.. دير عشاء فاخر فاليوم الختامي.. نوض على سلامتك راك من الاغنياء.. ( بحال اللي كيدير خونا فالله “مول السيكار” فواحد المهرجان دالسوليما كل عام.. وهادا موضوع اخر نهضرو عليه مرة اخرى )، عزيزي القارئ، حنا كنفكرو فيك، وبغيناك تضحك فالمهرجان ديالنا وتنسى هموم الدنيا والمشاكل ديالك، ولكي تنسى عزيزي أيضا، الحالة الكارثية التي تعيشها مدينتنا الفقيرة، عفوا، بغيت نقول الغنية.. لا صحة، بطالة غير هي، لا بنية تحتية، خروقات في جميع المؤسسات، وزيد وزيد.. كل هذا عزيزي، سوف تنساه في المهرجان ديالنا، غير أجي حضر ولا عليك، وحتى ولا مجيتيش، سوف نعمم بلاغ، ونقولو حضرات للمهرجان شخصيات سياسية ومدنية واجتماعية ووو.. ونقولو باللي المهرجان ناجح بيك ولا بلا بيك، ووصل عدد الحاضرين ل 100 ألف.. ونطح راسك مع الحيط حينت مجيتيش..عزيزي، المهرجان سوف يكون ذو طابع دولي، وعندنا ضيوف من مختلف الجنسيات واللغات، وغادي ضحك بغيتي ولا كرهتي، مسوقناش حنا، لأنه الدعم كاين، وفلوس صحيحة باباها، حنا مالنا، سيكون من أنجح المهرجانات نظرا للكم الهائل للفنانين المشاركين، وسننجح بإذن الله لننسيك همومك عزيزي، لذلك، حضورك إلزامي وإجبلري..فوقاش ؟ المهرجان سيكون في شهر يوليوز 2016، يمكن يتغير التاريخ والساعة في أي لحظة، على حسب الجهة المدعمة الرسمية ( الجهة الشرقية لتنمية جيوب والحسابات البنكية للحاسين الكابة فالشرق )، ولكن المهرجان كاين كاين، إذن، أليك عزيزي برنامج مهرجان “طنز عليا” للضحك وباختصار : اليوم الأول : الافتتاح الرسمي بكرنفال فالمدينة بمشاركة : المعطلين، حركة 20 فبراير، الاساتذة المتدربين، الفراشة، الخضارة ( الراجلين منهم وسائقي الكارويات)..اليوم الثاني : وان مان شو : الفنان قادوس بعنوان : ضرب الشتى نغرقكاليوم الثالث : وان مان شو : الفنانة الصحة بعنوان : موتك حسن من عيشتكاليوم الرابع : وان مان شو للنجم الساطع : تبذير المال العام بعنوان : كلها يلغي بفلوسو..وسيتم الإعلان عن باقي البرنامج في الايام القادمة باذن الله، ونذكرك عزيزي، لا تنسى، شوفها مزيان : التذكرة صالح لشخص واحد والثمن رمزي : ابتداء من 350 درهم وتباع في مراكز البيع اللي نحددوها تا هي فالايام القادمة.. وبلا متهرسلي راسي تقول راه المهرجان مدعم من جيبك والماال العام وداك تخربيق.. عفا الله عما سلف.
