اريفينو
واحد التافه سميتو #يوسف_الزروالي عايش في #فرنسا كيخدم نصاب على الأرامل والفقراء، وكيسعى بسميتهم ويجمع الملايين ويصورهم وفالتالي يلوح ليهم الريالات… هاد التافه خرج اليوم كيسب فاللاعب #حكيم_زياش، وكيقول عليه ماشي وطني ومكيموتش على الراية…
بغض النظر على المفهوم ديالي للوطن والوطنية اللي كيعرفوه ݣاع الأصدقاء والمتتبعين للمنشورات ديالي، وعلى الرأي ديالي فالوطن لي حنا عايشين فيه. بغض النظر على هادشي. لكن صعيب نشوف واحد المعتوه بحالك كينصب على الفقراء اللي فقرهم وهمشهم الوطن ويزيد يكمل عليهم، يجي يعطي دروس فالوطنية، ونسكت ليه.
انت أبعد واحد يهضر على الوطن والوطنية يا كبير الشفارة والنصابة. وأبعد واحد من حقو ينتقد لاعب ضيع ضربة جزاء كيضيعوها كبار اللاعبين في العالم:
* النجم الإيطالي #روبرتو_باجيو في مباراة نهاية كأس العالم 1994.
* النجم الأرجنتيني ليونيل #ميسي ضيع 8 خلال مشواره.
* النجم البرتغالي كريستيانو #رونالدو ضيع 10 ضربات جزاء.
* النجم الكاميروني سامويل #إيتو…
وغيرهم الكثيرون.
سير غير بعد على النصب والاحتيال على الفقراء عاد اهضر على الوطنية. ولكن ماشي الوطنية ديال تاعياشيت ديالك اللي كتشجع النصابة والشفارة ديالك اللي غرقو البلاد في الديون ونهبو الثروات ديالو… بل الوطنية ديال اللي عندهم غيرة على الوطن وبغاو يطوروه ويبنيوه.